Inama Njyanama y'Akarere yemeje imbonerahamwe y'abakozi 3 ku rwego rw'Akagari

Kuri uyu wa 26Kanama 2020 inama idasanzwe y'Inama Njyanama y'Akarere yateranye,iyobowe na Perezida w'Inama Njyanama y'Akarere,Mme Atukunda Rukeeba Chantal ,yemeza imbonerahamwe y'abakozi b'urwego rw'Akagari. Iyi mbonerahamwe yongera umukozi 1 ku bakozi 2 bari basanzwe bakorera ku rwego rw'Akagari.

Mu rwego rwo kubahiriza amabwiriza yo kwirinda no kurwanya ikwirakwira ry'icyorezo cya koronavirusi iyi nama yabaye mu buryo bw'ikoranabuhanga, abajyanama bemeza iyi mbonerahamwe y'abakozi 3 b'urwego rw'Akagari.

Muri iyi nama kandi Umuyobozi w'Akarere,Bwana Mushabe David Claudian yagaragaje uko icyorezo cya covid-19 gihagaze mu karere n'uburyo ingamba zo kwirinda iki cyorezo zubahirizwa, asobanurira abajyanama ko n'ubwo nta baturage benshi bo mu karere ka Nyagatare banduye koronavirusi ariko ubukangurambaga bukomeje kugira ngo hatagira uwandura koronavirusi.