Icyumweru cyahariwe Ihamwe ry'Uburinganire , kizasiga hari abana basubijwe mu ishuri

Guverineri w’Intara y’Iburasirazuba, Pudence Rubingisa,  ari kumwe n’abayobozi batandukanye yifatanyije n’abaturage bo mu Murenge wa Rukomo mu gikorwa cyo gutangiza Icyumweru cyahariwe kwimakaza Ihame ry’Uburinganire (GAD Week) ndetse n’Icyumweru cy’Irangamimerere. Iminsi 10 ya GAD“ ifite insanganyamatsiko igira iti: Ihame ry’Uburinganire: Inkingi y’Umuryango Ushoboye kandi Utekanye,” mu gihe Irangamimerere rifite insanganyamatsiko igira iti: “Irangamimerere rikozwe neza ni inkingi ya serivisi inoze.” Guverineri 

Guverineri w’Intara y’Iburasirazuba, Pudence Rubingisa,yashimangiye ko uburinganire n’ubwuzuzanye bw’abagize umuryango ari umusingi w’umuryango utekanye kandi ushoboye, anasaba abaturage gukomeza kugira uruhare mu kubungabunga umutekano, kwandikisha abana mu irangamimerere, gukoresha serivisi za Isange One Stop Center no kwirinda ibinyobwa bitujuje ubuziranenge.

Mu gutangiza ibi bikorwa, abana 23 banditswe mu irangamimerere, barimo abakobwa 12 n’abahungu 11; abana 14 basubijwe ku ishuri bahabwa ibikoresho, imiryango 15 iri mu makimbirane iraganirizwa, hanatangwa ibiganiro ku buringanire, ubwuzuzanye n’iterambere ry’umuryango.